Kerina Tama Kemuliaan Man Dibata

 

Sermon Bahan PJJ 30 Mei – 05 Juni 2021

GBKP Rg. Bambu Raya Klasis Medan Delitua

Nats                : 1 Korinti 10:23-33

Tema              : Kerina Tama Kemuliaan Man Dibata

  (Budaya/Modern)        

I.         Kata Penaruh

Budaya e me ngerana kerna kai-kai saja si lit hubungenna ras pikiren manusia, perbahanen-perbahanen manusia ras karya pikiren manusia si teridah arah barang-barang si lit. Budaya menjadi hal penting i bas kegeluhen manusia. I bas kegeluhen kalak Karo, lit kuan-kuan ngataken erbudaya, kalak si erbudaya meteh orat, orat nggeluh kalak Karo. Janah adi si idah pe i bas jaman genduari enda, budaya enggo masuk ku bas Kekristenan, si ertina kalak Kristen la anti nandangi budaya.

 

II.      Mpebagesi Pengangkan Kerna Ogen

I bas pasal 10 secara keseluruhen ibas bahan oraten PJJ-nta ngerana kerna pertenget kerna berhala-berhala, Paulus ngingetken nandangi perpulungen Korinti gelah banci metenget kerna pengajaren-pengajaren si banci mabai ia papak. Secara khusus menaken pasal 18-22 i turiken Paulus kerna pangan ras inemen si enggo i persembahken i babo batar-batar e. Janah Paulus ngingetken ka nandangi perpulungen Korinti maka, labo banci ia minem salu calung Tuhan kenca si e minem ka ia salu calung setan, ntah pe man i bas meja Tuhan emaka man ka ia i meja setan. Ertina maka, manusia labo banci erdua ukur. Tupung Dibata mereken simehuli ku Dibata tapi asum kiniseran nderpa kegeluhen sidarami sideban si mampu ndungi kiniseran e. Paulus ngingetken man perpulungen i Korinti maka ntah ersura nge erbahan Tuhan mecimberu ntah pe si akap nge gegehen kita asangken Tuhan.

Emaka selanjutna i bas ayat 23-33, lit piga-piga hal penting eme:

Ø  Ayat. 23-24     : Labo kerina erguna dingen pehuliken

Lit singatakensa maka kai pe banci ilakoken, tapi labo kerina erguna, kai pe banci ilakoken tapi lebo kerina pehuliken. Ertina maka, kai si ilakoken e adi la kin si positif labo banci erguna nandangi kalak sinterem apaika adi memang kai si ilakoken e hanya guna ndarami keuntungen dirina jine. Janah labo kerina siilakoken e pehuliken. Nterem jelma maka kai siilakokenna e erbahansa ceda kerina kai si enggo lit e. Guna ngelakoken kai-kai pe arus kita rukur, ntah kin e si positif sibanci nampati kalak sinterem, ntah kin siilakoken e gelah enggo saja janah ndarai keuntungen diri sendiri, piah dungna maka kai pe e labo lit ertina.

Ø  Ayat. 25-29     : Si banci ras si la banci i pan

Mulihken kita kerna pangan si banci i pan ras si la banci i pan. Paulus ngatakensa maka kerina si idayaken i tiga kerinana banci i pan, erkiteken tersurat i bas Pustaka Si Badia maka kerina doni enda ras isina Dibata si empuna. Emaka i terusken Paulus ka kerna pangan si la banci i pan, Paulus ngatalenca maka adi lit kalak si la erkiniteken ngiahken kam man, janah tetap ukur ndu guna ndahisa maka pangan si ihidangkenna e panlah alu la pada nungkun-nungkun bas ukurndu nina Paulus, tapi adi lit singatakenca maka pangan e enggo i persembahken ku berhala-berhala janah labo tetap ukurndu, la pada pan pangan e, labo kerna enggo i persembahken ku berhala-berhala tapi kerna penggejapen si lit ibas diri si la tetap. Alu kata sidebanna, maka pangan si banci i pas ras si la banci i pan mulihken ku ukur manusia, adi tetap ukur guna mansa, pan saja, adi labo tetap ukur la pada pan.

Ø  Ayat. 30-33     : Kerina si ilakoken bahan tama kemuliaan man Dibata

Si terakhir i bas bagin enda, maka kai pe si ilakoken, subuk i bas man ras mine, enda arus tama kemulian man Dibata, ertina maka kerinana si ilakoken e arus sentudu bagi singena atena. Guna ngelaoken tama kemulian man Dibata, maka ula sibahan kitik ukur kalak erkiteken pengelakonta, tapi sipala-palai min erbahan kai singena ate kalak, tapi perbahanen singena ate kalak e labo guna keuntungen pribadi tapi keuntungen kalak sinterem. Ertina, maka perbahanennta e asa bancina i gejapken kalak janah i muliakenna Tuhan. Labo lit guna kai pe ilakoken adi ndarami keuntungen pribadi, tapi bahanlah gelah kai pe ilakoken guna keuntungen kalak sinterem.

 

III.   Pengkenaina

I bas buku pokok-pokok pengakuan Iman GBKP, ngatekensa maka budaya eme keseluruhan cipta, karya dan karsa manusia yang berakal budi. Oleh karena itu, dalam terang firman Allah, manusia harus menggali, mengembangkan dan melestarikan budaya secara positif, kreatif, kritis dan realistis untuk kesejahteraan manusia (1 Kor. 9:20-21; Yoh. 13:1-20). Sikap GBKP nandangi Budaya:

a.       Positif, menghindari sikap anti terhadap budaya atau alergi terhadap budaya sebelum menggali budaya yang ada untuk mendapatkan pemahaman yang mendalam.

b.      Kritis, unsur-unsur dan nilai-nilai budaya yang bertentangan dengan firman Tuhan yaitu budaya/tradisi yang memiliki kepercayaan terhadap roh-roh kegelapan dan kebudayaan yang memberikan dampak buruk bagi keutuhan ciptaan Tuhan di tolak.

c.       Kreatif dan Realistis, budaya adalah keseluruhan cipta, karya dan karsa manusia yang berakal budi.

Budaya enggo i terangi Kata Dibata, janah arah budaya banci guna meritaken Berita Si Meriah nandangi kalak sinterem, alu bage bahan lah budaya si lit krina na baik budaya si nai bage pe budaya modern krina na guna kemuliaan kemuliaan gelar Tuhan saja.

 

Vic. Anggianita Br Sembiring